Објавено на 21/03/2023
На 01.03.2023 учителите во аикидо клубот “Пат кон Мирот“ од Скопје, Илија Манасиев и Трајко Манасиев, беа поканети на свечен прием по повод роденденот на Јапонскиот Император Нарухито, кој што се одржа во престижниот хотел “Мериот“ во Скопје.
Во атмосфера на бројни личности кои што одржуваат врска со јапонската култура, имавме чест да го прославиме роденденот на Јапонскиот император Нарухито. Целиот настан беше збогатен со традиционални јапонски јадења и пијалоци, а Неговата Екселенција Амбасадорот на Јапонија Отцука Казуја. Од името на сите членови на нашиот клуб посакуваме добро здравје и напредок на Јапонскиот Император Нарухито и се најдобро на членовите на неговото семејство.