Аикидо клубот “ПАТ КОН МИРОТ“, своите почетоци ги има во н. Радишани. Сонот на секој учител е да има сопствено доџо, во кое што ќе може непречено да ја практикува вештината и да ги подучува сите оние на кои оваа вештина им значи.

После напорна работа и ентузијазам на учителите во АИКИДО клубот “ПАТ КОН МИРОТ“, поддршката од семејството и Христо Михаилов Сенсеи, се отвори првото приватно доџо во Скопје, во 2010 година.

Во изградбата на доџото учествуваа со своите вештини и работа, сите членови на клубот “ПАТ КОН МИРОТ“. Со заеднички сили доџото е опремено и уредено со цел да служи на високите технички и наставни стандарди на нашето школо. Школото е отворено за сите кои што вежбаат АИКИДО, или пак сакаат да започнат со изучување на оваа ефикасна и благородна дисциплина.