Објавено на 15/12/2013
По повод 130 години од раѓањето на О Сенсеи Морихеи Уешиба, нашиот клуб ги отвори вратите за сите заинтересирани за АИКИДО, на заеднички тренинг, а потоа организираше мини коктел за дружење.
Присутните имаа можност да вежбаат различни техники кои што ги покажуваа сите присутни кои што имаа ДАН степен. Освен учителите на АИКИДО клубот “ПАТ КОН МИРОТ“, свој дел од тренингот и презентацијата имаа и Панче Миланов Сенсеи од Теншинкан Кобајаши Доџо, со своите ученици.
Им благодариме на присуството и се надеваме дека секоја година ќе бидеме се помасовни во празнувањето на овој голем настан за сите што се занимаваат со АИКИДО.